"Милан" бош мураббийи Стефано Пиолининг Италия клуби билан янги шартномаси бўйича маоши маълум бўлди.
31 октябрь куни 57 ёшли мутахассис "россонери" билан шартномани 2025 йилнинг ёзига қадар узайтиргани маълум бўлганди. Журналист Жанлука ди Марционинг ёзишича, Пиолининг маоши мавсум учун 500 минг еврога оширилган. Энди унинг йиллик маоши 4,1 миллион еврони ташкил қилади. Мураббийнинг шартномасида Италия чемпионати ва Чемпионлар лигасидаги ғалабалар учун бонуслар ҳам бор.
Пиоли “Милан”ни 2019 йилнинг августидан буён бошқариб келмоқда. Унинг қўл остида “россонери” 11 йил ичида илк бор Италия чемпионлигини қўлга киритди.