"Манчестер Юнайтед" "Атлетико" ярим ҳимоячиси Маркос Льорентега қизиқиш билдирмоқда, деб хабар беради Mundo Deportivo.
Испан клуби еврокубокларни муддатидан олдин тарк этгани сабабли молиявий аҳволини яхшилаш мақсадида футболчини сотиш вариантларини кўриб чиқишга тайёр.
27 ёшли Льорентенинг "Атлетико" билан шартномаси 2027 йилнинг ёзига қадар тузилган. Transfermarkt портали футболчининг нархини 40 миллион еврога баҳоламоқда.
Жорий мавсумда у 9 та ўйин ўтказиб, битта гол урган.
Аввалроқ, Льорентега "Ливерпуль" ҳам даъвогарлик қилаётгани ҳақида маълумотлар пайдо бўлганди.