"Manchester Yunayted" "Atletiko" yarim himoyachisi Markos Lyorentega qiziqish bildirmoqda, deb xabar beradi Mundo Deportivo.
Ispan klubi yevrokuboklarni muddatidan oldin tark etgani sababli moliyaviy ahvolini yaxshilash maqsadida futbolchini sotish variantlarini ko‘rib chiqishga tayyor.
27 yoshli Lyorentening "Atletiko" bilan shartnomasi 2027 yilning yoziga qadar tuzilgan. Transfermarkt portali futbolchining narxini 40 million yevroga baholamoqda.
Joriy mavsumda u 9 ta o‘yin o‘tkazib, bitta gol urgan.
Avvalroq, Lyorentega "Liverpul" ham da’vogarlik qilayotgani haqida ma’lumotlar paydo bo‘lgandi.
