“Аякс” билан ўйинда (2:1) голли узатмани амалга оширган ПСВ ҳужумчиси Коди Гакпо Европа топ чемпионатлари жорий мавсумида биринчи бўлиб жамоасининг 30 та голида иштирок этди, деб хабар беради Football телеканали.

Ўйиннинг 23-дақиқасида Гакпо узатмасини Люк де Йонг "Аякс" дарвозасига йўллаб, учрашувда ҳисобни очди.

Форвард Эйндховен клуби сафида 19 та ўйин ўтказиб, 13 та гол урди ва 17 та голли узатмани амалга оширди.

Гакпо ПСВ академияси битирувчиси ҳисобланади. 23 ёшли футболчи 2018 йилдан бери асосий жамоада ўйнаб келмоқда. Гакпо клуб учун 103 ўйинда 36 гол урган.