Ярим ҳимоячи Поль Погба бир вақтлар "Манчестер Юнайтед"нинг ёш футболчиси сифатида клуб билан шартномасини узайтириши мумкинлигини эслади.
"Менинг ёшлигимда "Манчестер Юнайтед" устози Алекс Фергюсон янги шартнома имзолашимни хоҳлаган эди. Мино Райола келганида, у шартномага қаради ва "Мен итимга ҳам бу шартномани имзолашига рухсат бермайман. Пол, ўрнингдан тур ва кетдик", деганди", - дейди Погба Football Italia билан суҳбатда.
Поль Погба айни дамда Туриннинг “Ювентус” клубида ўйнамоқда. 2022/2023 йилги мавсумда франциялик футболчи жароҳати туфайли ҳали майдонга тушмаган. Погба Франция терма жамоаси сафида жаҳон чемпионатида ўйнамайди.
Эслатиб ўтамиз, агент Мино Райола шу йилнинг апрель ойида вафот этган эди.
