"Бавария" ва Сенегал терма жамоаси ҳужумчиси Садио Мане ЖЧ-2022ни ўтказиб юборади, деб хабар беради L'Equipe. 30 ёшли футболчи Германия чемпионатининг 14-туридан ўрин олган "Вердер"га (6:1) қарши ўйинда жароҳат олди.
Нашрнинг ёзишича, Мане Ахиллес тендони билан боғлиқ жароҳат олган. Ҳужумчи Сенегал терма жамоаси сафида ЖЧ-2022даги ўйинларда иштирок эта олмайди.
Жорий мавсумда Мане “Бавария” сафида 23 та ўйинда майдонга тушиб, 11 та гол урди ва 4 та голли узатмани амалга оширди.
Футбол бўйича 2022 йилги жаҳон чемпионати 20 ноябрдан 18 декабрга қадар Қатарда бўлиб ўтади. Сенегал терма жамоаси 21 ноябрь куни Тошкент вақти билан соат 21.00да Нидерландия билан илк ўйинни ўтказади.
