«Барселона» президенти Жоан Лапорта Лионель Мессининг жамоага қайтиши мумкинлиги ҳақидаги саволга яна бир бор жавоб берди.
Аргентиналик футболчининг парижликлар билан амалдаги шартномаси 2023 йилнинг ёзига қадар мўлжалланган бўлиб, «Барселона» бундан фойдаланишни режалаштирмоқда.
Бироқ буни амалга ошириш осон бўлмайди, чунки парижликлар раҳбарияти, ўзингизга маълум, 35 ёшли суперюлдуз билан шартномани узайтириш ниятида.
"Месси 2023 йилда қайтиши мумкинми? Лео биладики, «Барселона» ҳар доим унинг уйи бўлган", - дея Лапортанинг сўзларидан иқтибос келтирган испан ОАВ.
2021 йилнинг ёзидан бери «ПСЖ» сафида Лионель Месси 52 та ўйинда майдонга тушиб, 23 та гол урган ва 29 та голли узатмани амалга оширган.
