Англия Премьер-лигасининг 17-туридан ўрин олган учрашувда “Фулхэм” ўз майдонида “Манчестер Юнайтед”дан мағлуб бўлди.
Маълум бўлишича, бу "Манчестер Юнайтед"нинг Лондондаги пойтахт клубларига қарши ўйинлардаги 77-ғалабаси бўлди. "Манчестер Юнайтед"нинг португалиялик ҳужумчиси Бруну Фернандеш жамоасининг ўйини ҳақида фикр билдирди:
"Биз учун ғалаба муҳим эди, чунки охирги ўйинда мағлуб бўлгандик. Биз ғалаба қозониш йўлига қайтдик. Лекин бу осон эмас эди. "Фулхэм" биз учун жуда кўп муаммоларни яратди, улар ҳайратланарли даражада қаттиқ ўйнашди, шунинг учун уч очко янада қониқарли бўлди", - деди Фернандеш Sky Sports билан суҳбатда.
