Менхенгладбахнинг "Боруссия" клуби ҳужумчиси Маркус Тюрам 2022 йилда Қатарда бўлиб ўтадиган Жаҳон чемпионати учун Франция терма жамоасига чақирилди.
Шу тариқа, 25 ёшли ҳужумчи бўлажак турнирда терма жамоа сафида сўнгги ўринни эгаллади. L'Equipe нашри хабарига кўра, футболчи бугун терма жамоа жойлашган жойга етиб боради.
Тюрам жорий мавсумда немис клуби сафида 17 та ўйинда майдонга тушиб, 13 та гол урди ва 4 та голга ассистентлик қилди.
ЖЧ-2022 гуруҳ босқичида Франция Дания, Австралия ва Тунис билан ўйнайди.
