Goal.com нашри хабарига кўра, "Ньюкасл" клуби "Велес Сарсфилд" ярим ҳимоячиси Максимо Перронега қизиқиш билдирмоқда.
Нашрнинг ёзишича, "қарғалар" мураббийлар штаби 19 ёшли ярим ҳимоячида катта имкониятларни кўрмоқда ва январь ойида трансфер бўйича таклиф билан чиқишга тайёр. Потенциал келишув 8,5 миллион еврога баҳоланмоқда. Перроненинг амалдаги клуби билан шартномаси 2023 йил охиригача амал қилади.
Футболчи "Велес" учун барча мусобақаларда 33 та ўйин ўтказиб, 3 та гол урди ва 2 та голли узатмани амалга оширди.













