Мадриднинг «Атлетико» клуби ва Испания терма жамоаси ярим ҳимоячиси Коке устозларини солиштирди.
Симеоне жорий мавсумда жиддий танқид остида ва миш-мишларга кўра, тез орада «Атлетико»даги ишини йўқотиши мумкин.
Диего Симеоненинг вориси ролига асосий номзодлардан бири Луис Энрике бўлиб, унинг терма жамоа билан шартномаси бўлажак жаҳон чемпионати якунланганидан сўнг дарҳол тугайди.
«Бу ҳақда мураббийнинг ўзидан сўрашингиз керак. Симеоне ҳам, Энрике ҳам жуда кучли мутахассислар, гарчи уларнинг футболга қарашлари турлича бўлса ҳам.
Энрикенинг «Атлетико»да ишлашини билмайман – Симеоненинг клуб билан амалдаги шартномаси бор”, дейди «матрасчилар» сардори.
