Эрон бош мураббийи Карлуш Кейруш матбуот анжуманида ўз ҳис-туйғуларини назорат қилолмади.
Мураббий футболга алоқадор бўлмаган саволдан ғазабланди. Журналист Кейрушдан аёллар ҳуқуқлари ҳурмат қилинмаган мамлакат вакили бўлиш қанчалик ёқимли эканини сўрамоқчи эди.
"Бу саволга жавоб беришим учун менга қанча тўлайсиз? Раҳбарингиз билан гаплашинг. Агар яхши таклиф билдирсангиз, турнир тугаганидан кейин жавоб бераман.
Менимча, сиз тўхтаб, Англиядаги муҳожирлар билан нима содир бўлганини эслашингиз керак", - дейди Кейруш ғазабланган ҳолда.
