"УАНЛ-Тигрес" ва "Америка" жамоалари тўқнаш келган Мексика аёллар чемпионати финалини 5,3 миллион томошабин томоша қилди, деб хабар беради турнир расмий сайти.
Икки ўйиндан иборат қарама-қаршилик "УАНЛ-Тигрес"нинг ғалабаси (1:0, 2:0) билан якунланди.
Учрашувлар бир вақтнинг ўзида телевизор ва стриминг хизмати орқали намойиш этилди. Биринчи ўйинни 2,48 миллион киши томоша қилган бўлса, иккинчи учрашув турнир тарихидаги энг оммабоп бўлди – 2,88 миллион томошабин уни томоша қилди.
Эътиборлиси, Мексика аёллар чемпионати финали томошабинлари 29 октябрь куни бўлиб ўтган АҚШ Миллий аёллар футбол лигаси (NWSL) финалини кузатиб борган томошабинлар сонидан ошиб кетди.
Шунингдек, Мексика Аёллар Лигаси финали учун томошабинлар рекорди ҳам янгиланди, икки учрашувга жами 94269 киши ташриф буюрди.