"Барселона" ҳимоячиси Эктор Бельерин қишки трансфер ойнасида Каталония клубини тарк этишни истамаяпти, деб хабар беради Sport.es. Нашрнинг ёзишича, испаниялик футболчига “Рома” қизиқиш билдирмоқда.
27 ёшли футболчи Каталония клуби билан шартномасини охиригача якунламоқчи. Шартнома 2023 йилнинг ёзига қадар амал қилади.
Бельерин ёзги трансфер ойнаси охирида "Барселона"га ўтди. Бу вақт ичида испаниялик "кўк-анорранглилар" учун 5та ўйин ўтказиб, самарали ҳаракатлари билан ажралиб тура олмади.
Transfermarkt порталига кўра, футболчининг трансфер қиймати 15 миллион еврога баҳоланмоқда.
