“Манчестер Сити” ҳимоячиси Кайл Уокер Англия терма жамоасининг Жаҳон чемпионатидаги илк Эронга қарши баҳсини ўтказиб юборади. Футболчи октябрь ойида операцияни бошдан кечирган.
“Мен қачон қайтишим мумкин? Бош мураббий (Гарет Саутгейт) қарорига боғлиқ. Эҳтимол, биринчи ўйингача тикланишга улгурмасам керак, лекин кейинги баҳсларга албатта тайёр бўламан.
Ҳар қандай турнирда ўз мамлакатингиз шарафини ҳимоя қилиш ҳамиша катта ютуқдир. Лекин менимча, бу жаҳон чемпионати ўзгача, чунки мен унда кичик жароҳатим бўлишига қарамай иштирок этяпман. Мени тикланишимга ёрдам берган “Манчестер Сити” физиотерапевтларига раҳмат, мен Қатардаман”, — деди Уокер.
Англиянинг жаҳон чемпионатида гуруҳ босқичидаги рақиблари Эрон, АҚШ ва Уэльс терма жамоалари бўлади.
