“Manchester Siti” himoyachisi Kayl Uoker Angliya terma jamoasining Jahon chempionatidagi ilk Eronga qarshi bahsini o‘tkazib yuboradi. Futbolchi oktyabr oyida operasiyani boshdan kechirgan.

“Men qachon qaytishim mumkin? Bosh murabbiy (Garet Sautgeyt) qaroriga bog‘liq. Ehtimol, birinchi o‘yingacha tiklanishga ulgurmasam kerak, lekin keyingi bahslarga albatta tayyor bo‘laman.

Har qanday turnirda o‘z mamlakatingiz sharafini himoya qilish hamisha katta yutuqdir. Lekin menimcha, bu jahon chempionati o‘zgacha, chunki men unda kichik jarohatim bo‘lishiga qaramay ishtirok etyapman. Meni tiklanishimga yordam bergan “Manchester Siti” fizioterapevtlariga rahmat, men Qatardaman”, — dedi Uoker.

Angliyaning jahon chempionatida guruh bosqichidagi raqiblari Eron, AQSH va Uels terma jamoalari bo‘ladi.