"Тоттенхэм" ва Англия терма жамоаси ҳимоячиси Эрик Дайер Қатарда бўлиб ўтадиган ЖЧ-2022 бошланишидан олдин терма жамоадаги муҳит ҳақида гапирди.
“Жамоада ажойиб муҳит ҳукм сурмоқда. Биз ниҳоятда бахтлимиз, қувноқмиз, бизда керак бўлган ҳамма нарса бор. Бу бутун халқаро фаолиятим давомида кўрган энг яхши жамоа. Биз бир-биримизни анчадан бери биламиз. Бундай даражадаги мусобақаларда муваффақиятли қатнашиш учун жамоада шундай муҳит, шундай дўстлик бўлиши керак", - дея Дайернинг сўзларидан иқтибос келтирмоқда Sky Sports нашри.
Англия терма жамоаси ЖЧ-2022 гуруҳ босқичининг илк учрашувини Эрон терма жамоаси билан ўтказади. Учрашув 21 ноябрь куни бўлиб ўтади. Шунингдек, Гарет Саутгейт шогирдлари “В” гуруҳида АҚШ ва Уэльс терма жамоаларига қарши баҳс олиб боради.
