Ҳимоячи Хосе Гайя жароҳат олиб, Испания терма жамоасининг жаҳон чемпионатига борадиган таркибидан четлаштирилди. Футболчи бу ҳақда ижтимоий тармоқларда хабар тарқатди.
«Мен олган барча қўллаб-қувватлаш хабарлари учун сизга раҳмат айтмоқчиман. Ростини айтсам, мен бунчалик муҳаббатга лойиқманми, билмайман.
Болаликдаги орзуингиз бироз сўнгганда, буни қабул қилиш осон эмас. Лекин бирор нарса юз берганда, буни қабул қилиш керак», деб ёзган Гайя.
Испания терма жамоаси Қатардаги жаҳон чемпионатида Германия, Япония ва Коста-Рика терма жамоалари билан бир гуруҳдан жой олган.
