"Вильярреал" яримҳимоячиси Бруно Сориано Москванинг "Спартак" клубига ўтишни унчалик ҳам хуш кўрмаяпти, дея хабар беради испан матбуоти.

Эслатиб ўтамиз, "Спартак" бош мураббийи Унаи Эмери ўз жамоасининг ўрта чизиғини кучайтириш учун ушбу футболчига қизиқаётганлигини айтган эди. Баск мутахассиси "Спартак" футболчи учун 12 млн евро тўлашга тайёр эканлигини ҳам қўшимча қилган эди.

Сорианога "Валенсия" ҳам қизиқмоқда, аммо бунинг учун 9 миллиондан ортиқ бермоқчи эмас.

Бунинг устига футболчининг ўзи "Спартак"ка ўтиш орзусида ёнаётгани йўқ. У "Вильярреал" сафида қолиб, Испания олий дивизионига чиқишни маъқул кўрмоқда.