Мадриднинг "Реал" клуби раҳбарияти жамоа бош мураббийи Хаби Алонсонинг январь ойидаги трансферлар бўйича сўровларини қондириш ниятида эмас.

"Қаймоқранглилар" устози қишки трансфер ойнасида жамоада бир нечта янги ўйинчиларни кўришни истамоқда, аммо клубда бундай имконият ҳозирча истисно қилинмоқда, дея хабар беради ESPN. Мадрид гранди босслари баъзи позициялар кучайтирилиши кераклигини тушунишади, аммо қишки трансферлардан воз кечиш стратегиясига қарши бормоқчи эмаслар.

"Реал" Ла Лига 18-туридан кейин 42 очко билан турнир жадвалида 2-ўринда бормоқда ва пешқадам "Барселона"дан 4 очко ортда қолмоқда. 4 январь куни Хаби Алонсо жамоаси ўз уйида "Бетис"ни қабул қилади.