Мадриднинг "Реал" клуби ҳужумчиси Гонсало Гарсия "Ювентус" қизиқишлари доирасига тушиб қолди.
21 ёшли футболчи "қаймоқранглилар"нинг асосий таркибида деярли кўринмаяпти, аммо трансфер бозорида талабга эга бўлиб қолмоқда. Испаниялик футболчига Италиянинг "Ювентус" клуби янги даъвогар бўлиб турибди, бу ҳақда инсайдер Жанлука ди Марцио хабар берди. Манбага кўра, "бьянконерилар" босслари ҳужумчини ўз жамоасида кўришни жуда ҳам исташмоқда.
Transfermarkt портали Гонсало Гарсиянинг нархини 15 млн еврога баҳоламоқда. Жорий мавсумда "Реал" академияси тарбияланувчиси Хаби Алонсо жамоасининг 17 та ўйинида қатнашиб, бирор марта ҳам рақиб дарвозасини ишғол этмади ва бир марта голли узатмани амалга оширди.
