Австрия терма жамоаси Италия термасига қарши ўйинларда муваффақиятсиз сериясини тўхтатди. Opta хабарига кўра, кеча, 20 ноябрь куни австрияликлар ўртоқлик учрашувида 1960 йилдан бери илк бор италияликларни мағлуб этишди. Голларга Давид Алаба ва Хавер Шлагер муаллифлик қилишди.
Австрия бундан аввал 1960 йилнинг 10 декабрида 2:1 ҳисобида "Скуадра Адзурра"ни мағлуб этганди. Шундан сўнг терма 14 бор Италияга мағлуб бўлди.
Австрия ва Италия терма жамоалари Қатарда бошланган ЖЧ-2022га чиқа олмади.