АҚШ терма жамоаси ҳужумчиси Тимоти Веа гуруҳ босқичининг биринчи турида дуранг (1:1) билан якунланган Уэльсга қарши ўйин ҳақида гапирди.
“Лилл”нинг 22 ёшли футболчиси 36-дақиқада жамоасини олдинга олиб чиққан бўлса, 82-дақиқада Гарет Бэйл ҳисобни тенглаштирди.
"Жаҳон чемпионатидаги биринчи ўйинда гол урганимдан жуда хурсандман, лекин, албатта, жамоам ғолиб бўлишини афзал кўраман. Очко йўқотиш уят, лекин биз бор эътиборимизни кейинги ўйинга тайёргарлик кўришга қаратишимиз керак", - дея Веанинг сўзларини келтиради Маrcа.
Гуруҳ босқичининг 2-турида АҚШ терма жамоаси гуруҳнинг амалдаги пешқадами, Эрон устидан йирик ҳисобдаги ғалаба (6:2) билан мусобақани бошлаган Англия билан учрашади.
