Мадриднинг “Реал” клуби футболчиси Винисиус Жуниор Сербияга қарши жаҳон чемпионати гуруҳ босқичи 1-тур учрашувида Бразилия терма жамоасининг асосий таркибида майдонга тушади. Бу ҳақда Globo нашри хабар бермоқда.

Олдинроқ жамоада ҳужумнинг чап қанотида ҳам ўйнайдиган "ПСЖ" ярим ҳимоячиси Неймар борлиги сабабли Винисиус жаҳон чемпионатида асосий таркибда ўйнамаслиги ҳақида хабарлар тарқалган эди. Бироқ, манбага кўра, пентакампионлар бош мураббийи Тите ҳиккала футболчини майдонга тушириш йўлини топган.

Эслатиб ўтамиз, Винисиус "Олтин тўп" учун овоз беришда саккизинчи ўринни эгаллаган эди. Футболчи ўтган мавсумда Чемпионлар лигаси финалида "Ливерпул"га қарши ўйинда "Реал"га ғалаба келтирган голга муаллифлик қилганди.