Madridning “Real” klubi futbolchisi Vinisius Junior Serbiyaga qarshi jahon chempionati guruh bosqichi 1-tur uchrashuvida Braziliya terma jamoasining asosiy tarkibida maydonga tushadi. Bu haqda Globo nashri xabar bermoqda.

Oldinroq jamoada hujumning chap qanotida ham o‘ynaydigan "PSJ" yarim himoyachisi Neymar borligi sababli Vinisius jahon chempionatida asosiy tarkibda o‘ynamasligi haqida xabarlar tarqalgan edi. Biroq, manbaga ko‘ra, pentakampionlar bosh murabbiyi Tite hikkala futbolchini maydonga tushirish yo‘lini topgan.

Eslatib o‘tamiz, Vinisius "Oltin to‘p" uchun ovoz berishda sakkizinchi o‘rinni egallagan edi. Futbolchi o‘tgan mavsumda Chempionlar ligasi finalida "Liverpul"ga qarshi o‘yinda "Real"ga g‘alaba keltirgan golga mualliflik qilgandi.