Москванинг "Спартак" жамоаси Франциянинг "Лион" клуби ва Швеция терма жамоаси ярим ҳимоячиси Ким Кельстрем билан шартнома имзолади. Бу ҳақда "Спартак" расмий сайти хабар тарқатди.
Швециялик тажрибали ярим ҳимоячининг трансфер суммаси ошкор қилинмаган. Маълумотларга кўра 29 ёшли футболчи "Спартак" билан 3 йиллик шартномага имзо чеккан.
Ким Кельстрем "Лион" таркибида икки карра Франция чемпиони ва кубоги соҳиби бўлган. Шунингдек, Швеция терма жамоаси таркибида 3 та европа чемпионатида (2004, 2008, 2012) ва 2006 йилги жаҳон чемпионатида қатнашишга муваффақ бўлган.
