Бразилия терма жамоаси 2021 йилнинг ёзидан буён 16 та ўйинда мағлуб бўлмади.
Тите жамоаси ЖЧ-2022 гуруҳ босқичининг 1-турида Сербияни мағлуб этди (2:0).
2021 йил 11 июль куни Америка Кубоги финалида Аргентинага мағлуб бўлганидан бери бразилияликлар 13 марта ғалаба қозонишган ва уч марта дуранг ўйнашган. Айни пайтда уларнинг ғалабалар серияси 8 та ўйиндан иборат бўлиб, тўплар фарқи - 28:2.
Кейинги баҳсда, беш карра жаҳон чемпионлари Швейцария билан учрашади - бу 28 ноябрь куни содир бўлади.