"Кремонезе" директори Симоне Жаккетта клуб январь ойида "Рома" ҳужумчиси Элдор Шомуродовни сотиб олиш истаги борлигини тасдиқлади.
“Биз ҳужумни ва бошқа позицияларни яхшилашни хоҳлаймиз. Шомуродовнинг яхши фазилатлари бор. Унинг бу ерга тўғри муносабат билан келиши ва ўзини қурбон қилишга тайёр бўлиши жуда муҳимдир" - деди Жаккетта матбуот анжуманида.
Шомуродовнинг “Рома” билан шартномаси 2026 йилнинг ёзига қадар амал қилади. Transfermarkt портали футболчининг нархини 7 миллион еврога баҳоламоқда.
Жорий мавсумда у барча турнирларда 8 та ўйин ўтказиб, 1 та голга эга.
