Португалия терма жамоаси ярим ҳимоячиси Бернарду Силва Криштиану Роналдунинг келажаги ҳақида гапирди.

Яқинда Криш «Манчестер Юнайтед»ни тарк этиб, клубсиз қолган эди.

«Бўлган нарса унинг шахсий қарори ва у билан шартнома тузганларнинг қарори. Менимча, Роналду ҳали ҳам юқори савияда ўйнай олади.

Ҳаммаси унинг хоҳлаган нарсасига боғлиқ. У ҳаётида нимани хоҳлаётганини билмайман. У оиласи билан гаплашиб, ўзи қарор қилиши керак, тўғрими?

У қандай қарор қабул қилса, мен қўллаб-қувватлайман. У Португалия терма жамоасидаги шеригим - агар у бахтли бўлса, биз ҳам хурсандмиз», - дейди Силва Ганага қарши ўйиндан сўнг.