Жаҳон чемпионатининг яна бир куни ортда қолди. 25 ноябрь куни гуруҳ босқичининг 2-тур баҳсларига старт берилди: "А" ва "B" гуруҳлари жамоалари тўртта ўйин ўтказишди. Учрашувлар ҳам, натижалар ҳам кутилмаган бўлиб чиқди.
Эрон Уэльсни қўшиб берилган дақиқаларда "тиз чўктирди"
Ўйин кунининг бошланғич ўйини Уэльс ва Эрон терма жамоалари иштирокида бўлиб ўтди. 1-турда Осиё терма жамоаси Англиядан мағлубиятга учраганди (2:6), уелсликлар эса АҚШ билан ўйинда (1:1) мағлубиятдан қутулиб қолди. 2-турда Эрон рақибдан анча қизиқроқ кўринди, бир қанча вазиятлар яратди, аммо Карлуш Кейруш шогирдларига кўп вазиятларда омад кулиб боқмади.
Уелс терма жамоаси дарвозабони Уэйн Хеннесси Меҳди Таремига нисбатан қоидани бузди. Бош ҳакам Марио Эскобар аввалига сариқ карточка кўрсатди, бироқ такрорий вазиятни кўриб, янада қаттиқроқ жазо қўллади – уэльсликлармайдонда ўн киши қолди. Ҳакам учрашувга тўққиз дақиқа қўшиб берди. Қўшиб берилган 8-дақиқада эронлик Чешми узоқ масофадан ажойиб зарба берди ва ҳисобни очди. Кейинчалик эса Рамин Резаян якуний ҳисобни ўрнатди(0:2).
Мезбонлар гол урди, лекин яна мағлуб бўлди
Қатар терма жамоаси яна мухлисларини ҳафсаласи пир қилди. Жаҳон чемпионати мезбонлари кетма-кет иккинчи мағлубиятга учради – бу сафар улар Сенегалдан ранжиди. Биринчи ўйиндан фарқли ўлароқ, қатарлик футболчилар битта гол уришди - бу жамоа тарихида жаҳон чемпионатларида биринчи бўлди. Унинг муаллифи Муҳаммад Мунтари эди. Аммо бу вақтга келиб африкаликлар иккита тўп фарқи билан ғалаба қозонишарди. Аввалига Буе Диа ҳимоячининг хатосидан фойдаланди, кейин эса бурчакдан ошириб берилган тўпни Фамара Диедиу дарвозага жойлаб қўйди. Якуний ҳисобни Бамба Диенг ўрнатди - айнан унинг зарбаси ғолиб ҳақидаги барча саволларни олиб ташлади(1:3).
Жасоратли Эквадор Нидерландиядан очко олди
Коди Гакпо ЖЧ-2022нинг энг тезкор голини олтинчи дақиқада урганида, Эквадор йирик мағлубиятга учраши таҳмин қилинди. Бироқ жанубий америкаликлар рақибдан қўрқмадилар ва ҳатто танаффусга қадар гол уришди. Бироқ ҳакамлар жамоаси офсайд туфайли бу голни бекор қилди. Аммо иккинчи бўлим бошида Эквадор етакчиси Эннер Валенсия яна гол урди(1:1).
Англия мухлислар ҳафсаласини пир қилди
Кечки учрашувдан умидлар катта эди, аммо жамоалар уларни оқлай олишмади. Ва агар АҚШ жамоаси дадил ўйин ва муносиб жавоб билан ҳайратда қолдира олган бўлса, инглизлар мухлислани ёмон ўйини билан ранжитди. Англия таркибида Харри Магуайр учрашувнинг энг яхши ўйинчиси, деб топилганидан ҳам ўйин қандай бўлганини тасаввур қилиш мумкин.
Ҳар икки жамоада ҳам вазиятлар бўлди, аммо натижа голсиз дуранг. Энди инглизлар ҳам, америкаликлар ҳам сўнгги турда ўз муаммоларини ҳал қилишлари керак бўлади.
Бугун бизни қандай учрашувлар кутиб турибди?
Биз яна тўртта ўйинни кутмоқдамиз. Роберт Левандовски жаҳон чемпионатларида биринчи голни урадими? Саудияликлар янги жасорат яратадиларми? Аргентина нимадир қила олишини исботлайдими?
15:00. Тунис - Австралия
18:00. Польша - Саудия Арабистони
21:00. Франция - Дания
00:00. Аргентина - Мексика.
