Испания терма жамоаси жаҳон чемпионати финал қисми гуруҳ босқичидаги иккинчи ўйинини ўтказди, немислар билан ўйинда ғалабани сақлаб қола олмади – 1:1.
Гол испаниялик марказий ҳужумчи Алваро Мората томонидан киритилди, унга ҳимоячи Жорди Альба ассистентлик қилди.
Маълум бўлишича, ўз клубида мунтазам голли узатмаларни амалга ошириб келаётган Альба жаҳон чемпионатида илк бор голли узатмани амалга оширган.
Бу футболчининг жаҳон чемпионатларидаги тўққизинчи ўйинида содир бўлди.
Гуруҳ босқичининг сўнгги, учинчи турида Испания Япония термаси билан кураш олиб боради, бу ўйин декабрнинг биринчи кунида бўлиб ўтади.
