Ispaniya terma jamoasi jahon chempionati final qismi guruh bosqichidagi ikkinchi o‘yinini o‘tkazdi, nemislar bilan o‘yinda g‘alabani saqlab qola olmadi – 1:1.

Gol ispaniyalik markaziy hujumchi Alvaro Morata tomonidan kiritildi, unga himoyachi Jordi Alba assistentlik qildi.

Ma’lum bo‘lishicha, o‘z klubida muntazam golli uzatmalarni amalga oshirib kelayotgan Alba jahon chempionatida ilk bor golli uzatmani amalga oshirgan.

Bu futbolchining jahon chempionatlaridagi to‘qqizinchi o‘yinida sodir bo‘ldi.

Guruh bosqichining so‘nggi, uchinchi turida Ispaniya Yaponiya termasi bilan kurash olib boradi, bu o‘yin dekabrning birinchi kunida bo‘lib o‘tadi.