Германия терма жамоаси кетма-кет иккинчи жаҳон чемпионатида гуруҳдан чиқа олмади. Ханс-Дитер Флик жамоаси квартетда Испания ва Япониядан кейин учинчи ўринни эгаллади. "Бундестим" ярим ҳимоячиси Илкай Гюндоган Германия терма жамоаси муаммоларини ошкор қилди.
"Биз голларни жуда осон ўтказиб юбордик, тўпларни жуда осон йўқотамиз ва имкониятларни ҳам осонликча йўқотамиз. Биз ўзимизга қарашимиз керак. Балки жамоа бўлиб қўлимиздан келганича ҳаракат қилмагандирмиз ёки индивидуал тарзда. Ҳар бир инсон кўзгуга қараб, етарли иш қилмаганини айтиши керак", — деди Гюндогон журналистларга.
Германия учун навбатдаги йирик турнир ўз уйида бўлади - мамлакат Еро-2024 га мезбонлик қилади.
