Россиянинг «Химки» клуби собиқ бош мураббийи Сергей Юран фаоиятини Ўзбекистонда давом эттириши мумкин. Россиялик мутахассиснинг ўзи ўзбек клубидан таклиф тушганини тасдиқлади.

«Ҳа, Ўзбекистондан қўнғироқ бўлди. У ерда ишлаш мен учун қизиқми? Ҳозирча бирор нарса дея олмайман. Барча нарса клуб ўз олдига қўядиган мақсад ва вазифаларга боғлиқ.

Назарий жиҳатдан бу вариант амалга ошиши мумкин. Мен учун энг муҳими — бу мақсад ва вазифа. Агар клуб ўз олдига жиддий мақсадни қўйса, мен бу таклифни кўриб чиқаман.

Мураббий ҳамиша тонусда бўлиши ва доимий иш амалиётига эга бўлиши керак. Суперклубдан тушадиган таклифни кутиб ўтириши шарт эмас.

Агар айни пайтда Россиядан таклиф йўқ экан, бошқа вариантларни кўриб чиқиш мумкин. Муҳими — вазифа. Музокара давом этмоқда.

Мен учун биринчи навбатда ишнинг спорт томони қизиқ. Кейин эса молиявий ва бошқа жиҳатларга эътибор бераман», – деди Юран.

Эслатиб ўтамиз, Юран 10 август куни «Химки»дан истеъфога чиққанди.