Аргентина терма жамоаси жаҳон чемпионати 1/8 финали доирасидаги ўйинда Австралияни муаммосиз мағлуб этди.
«Альбиселесте» юлдузи Лионель Месси ушбу учрашувда биринчи голни урди. Ўйиндан сўнг Аргентина терма жамоаси бош мураббийи Лионель Скалони жамоа етакчиси ҳақида бир неча сўз айтди.
«Мен Месси билан ҳар куни гаплашаман. Месси ўйнашни тўхтатганда ҳамма буни тушунади. Бу ўйинда Лео мукаммал ўйнади, лекин унинг ёнида жуда яхши жамоа шаклланган», - дейди Скалони.
Жаҳон чемпионатидаги навбатдаги ўйинни Аргентина терма жамоаси 9 декабрь, жума куни чорак финалда Нидерландияга қарши ўтказади.
