Бельгия терма жамоаси дарвозабони Тибо Куртуа терма жамоасининг Қатарда бўлиб ўтаётган жаҳон чемпионатидан чиқиб кетгач ўз фикрларини билдириб ўтди.

«Энди мен Испанияга мухлислик қиламан ва «Реал»даги жамоадошларимга муваффақиятлар тилайман.

Бу Жаҳон чемпионати ва Евро-2020да биз ўзимизга ўхшамадик, бундан бироз хижолат тортдик. Келинг, кейин нима бўлишини кўрамиз. Ҳамма нарса тез ўтади. Март ойида эса янги саралаш босқичи бошланади.

Ҳеч нарса ютмагандан кейин ўзимизни «Олтин авлод» деб аташ қийин. Биз «олтин авлод» эмасмиз, биз бутун Европадан кўплаб иқтидорли ва буюк футболчилар йиғилган авлодмиз. 2018 йилда Россияда биз яхши футбол ўйнайдиган Бельгия эканлигимизни кўрсатдик.

Мақсадим 2026 йилги жаҳон чемпионатига чиқиш. Бизда ҳали ҳам яхши авлод бор, янги футболчилар энди пайдо бўлади. Умид қиламанки, терма жамоани ҳозиргидан яхшироқ ҳолатда тарк этаман», — дейди Куртуа.