Belgiya terma jamoasi darvozaboni Tibo Kurtua terma jamoasining Qatarda bo‘lib o‘tayotgan jahon chempionatidan chiqib ketgach o‘z fikrlarini bildirib o‘tdi.
«Endi men Ispaniyaga muxlislik qilaman va «Real»dagi jamoadoshlarimga muvaffaqiyatlar tilayman.
Bu Jahon chempionati va Yevro-2020da biz o‘zimizga o‘xshamadik, bundan biroz xijolat tortdik. Keling, keyin nima bo‘lishini ko‘ramiz. Hamma narsa tez o‘tadi. Mart oyida esa yangi saralash bosqichi boshlanadi.
Hech narsa yutmagandan keyin o‘zimizni «Oltin avlod» deb atash qiyin. Biz «oltin avlod» emasmiz, biz butun Yevropadan ko‘plab iqtidorli va buyuk futbolchilar yig‘ilgan avlodmiz. 2018 yilda Rossiyada biz yaxshi futbol o‘ynaydigan Belgiya ekanligimizni ko‘rsatdik.
Maqsadim 2026 yilgi jahon chempionatiga chiqish. Bizda hali ham yaxshi avlod bor, yangi futbolchilar endi paydo bo‘ladi. Umid qilamanki, terma jamoani hozirgidan yaxshiroq holatda tark etaman», — deydi Kurtua.
