Бразилия терма жамоаси бош мураббийи Тите Неймарнинг майдонга қайтганини юқори баҳолади.

Эслатиб ўтамиз, кеча "ПСЖ" ва Бразилия терма жамоаси ҳужумчиси жароҳатидан сўнг беш карра жаҳон чемпионининг асосий таркибига қайтди ва гол ҳамда голли узатмани амалга оширди. Неймар 1-турда Сербияга (2:0) қарши ўйинда жароҳат олганди.

"У жамоанинг етакчиси. Барча футболчилар уни доим майдонда излайдилар. Жамоамиздаги ҳар бир футболчининг ўзига хос маҳорати бор, аммо Неймар - марказ. У бошқаларни кучлироқ қилади", - дейди Тите Globo билан суҳбатда.

Бразилияликлар чорак финалида Хорватия терма жамоаси билан тўқнаш келишади. Учрашув 9 декабрь куни Тошкент вақти билан соат 20:00да бошланади.