Аргентина терма жамоаси бош мураббийи Лионель Скалони матбуот анжуманида Пауло Дибала ҳақида фикр билдирди. 29 ёшли ҳужумчи ЖЧ-2022 ўйинларида ҳали майдонга тушмаган.
«Дибала яхши аҳволда, бизда уни майдонга тушириш учун ҳали тўлиқ имконият бўлмади. Захирамизда 26 нафар ўйинчи бор ва биз маълум бир вақтда ўйинда бўлаётган воқеаларга мослаша оладиганлардан фойдаланишга ҳаракат қиламиз. Дибала эса ҳали ўзи ёрдам бера оладиган пайтни кутиши лозим», - деди Скалони журналистларга.
9 декабрь, жума куни Аргентина терма жамоаси жаҳон чемпионатининг чорак финалида Нидерландияга қарши баҳс олиб боради.
