Жароҳатлар туфайли муаммоларга дуч келган аргентиналик футболчилар Родриго Де Пауль ва Анхел Ди Мария умумий гуруҳ машғулотларига қайтишди. Бу ҳақда Испаниянинг Mundo Deportivo нашри хабар бермоқда.
Аввалроқ ОАВ Де Пауль чоршанба куни машғулотларни ўтказиб юборгани ҳақида хабар берган эди, бироқ Аргентина терма жамоаси бош мураббийи Лионель Скалони матбуот анжуманида футболчисининг жароҳатини инкор қилди. Очиқ машғулотларда ярим ҳимоячи бошқа футболчилар қатори интенсив машғулотларда қатнашди. Ди Мария Польша билан учрашувдан кейин мушаклари ҳаддан ташқари юкланганлиги сабабли Австралия билан ўйинда иштирок этмади, аммо энди у тўлиқ машғулотларга қайтди.
Аргентина ва Нидерландия терма жамоалари ўртасидаги учрашув эртага, 10 декабр куни Тошкент вақти билан 00:00да бошланади.
