"Лусаил Айконик" стадионида бўлган Аргентина терма жамоаси мухлислари Бразилия терма жамоасининг жаҳон чемпионатини тарк этишини ҳаяжон билан қабул қилишди. Бразилияликлар турнирнинг чорак финалида Хорватияга имкониятни бой беришди (1:1, 4:2 пен). Аргентина бу босқичда Нидерландия билан ўйнамоқда.
Эслатиб ўтамиз, турнирнинг ярим финалида Хорватия Нидерландия – Аргентина жуфтлиги ғолиби билан ўйнайди. Аргентина ва бразилияликлар охирги Америка кубоги финалчилари ҳисобланади. Ўша учрашувда Анхел Ди Мариянинг аниқ зарбаси Аргентинага Жанубий Америка чемпионлигини олиб келганди.