Аргентина терма жамоаси етакчиси Лионель Месси ЖЧ-2022 1/4 финали ўйинидан сўнг Нидерландия терма жамоаси бош мураббийи Луи ван Гал билан тортишиб қолди.
Учрашув якунланганидан сўнг 35 ёшли ҳужумчи Нидерландия захира ўриндиғига югуриб борди ва рақиб терма жамоаси устози билан баланд оҳангда гаплашди. Томонлар ўртасидаги келишмовчиликнинг моҳияти ҳозирча номаълум.
Эслатиб ўтамиз, учрашувнинг асосий вақти 2:2 ҳисобида дуранг билан якунланганди. Пенальтилар сериясида аргентиналиклар Нидерландияни 4:3 ҳисобида мағлуб этишди.
Аргентина терма жамоаси жаҳон чемпионатининг финалига чиқиш учун Хорватия билан беллашади. Златко Далич шогирдлари Бразилияни нокаутга учратиб, сюрприз қилишди.
