Аргентина терма жамоаси ҳимоячиси Лисандро Мартинес жаҳон чемпионатининг чорак финалида Нидерландия устидан қозонилган ғалабадан кейинги фикрлари билан ўртоқлашди.
Эслатиб ўтамиз, ярим финал босқичида Лионель Скалони шогирдлари аввалроқ Бразилияни турнирдан чиқариб юборган Хорватия билан куч синашади.
"Бу ақл бовар қилмайдиган натижа. Лаутаро охирги пенальтини голга айлантирганида ўзимни эркин ҳис қилдим, чунки биз ЖЧни тарк этишга лойиқ эмасдик. Биз Нидерландиядан анча яхши эдик. Мен барчани қучоқламоқчиман: футболчилар, мураббийлар штаби, ҳамма-ҳаммани", - деди Мартинес ўйиндан кейинги интервьюсида кўз ёшлари билан.
Эслатиб ўтамиз, Аргентина ва Нидерландия асосий вақтда 2:2 ҳисобида дуранг ўйнади. Пенальтилар сериясида Скалони шогирдлари 4:3 ҳисобида зафар қучди.
