Бразилия терма жамоаси ва "Реал" клуби вингери Винисиус Жуниор жамоа Қатардаги жаҳон чемпионатидан чиқиб кетганидан кейин пост жойлаштирди.
"Мен майдонда йиғладим, кийиниш хонасида йиғладим, самолётда ёлғиз йиғладим ва биз қанчалик яқин бўлганимизни эслаганимда йиғлайман... Бу ҳаётимдаги энг ёмон кун эди, жуда хафаман. Мен бу матнни бир неча марта ёздим ва кейин уни ўчириб ташладим. Кўнгилсизликни тушунтириш учун сўзлар йўқ, фақат кўз ёшлар қолди. Табассум йўқолди, уни яна топиш учун вақт керак.
Мен футболни яхши кўраман ва бу менга Бразилияни чинакамига муносиб бўлган жойга - чўққига олиб чиқиш учун янги имконият беради. Худонинг режаси ҳар доим бизнинг режамиздан юқори. Биз ҳар қачонгидан ҳам кучлироқ қайтамиз. Бразилия, минг марта кечир. Биз муваффақиятсизликка учрадик ва ҳозир жуда хафамиз. Барчангизга тилакларингиз ва севгингиз учун раҳмат. Бирлашган Бразилия 2026 йилда дунёни забт этади, ушбу сўзларимни скриншот қилиб олинглар", — деб пост қолдирди Винисиус ижтимоий тармоқлардан бирида.
Эслатиб ўтамиз, 1/4 финалда Бразилия Хорватияга пенальтилар сериясида мағлуб бўлди.
