Уч карра жаҳон чемпиони Пеленинг саломатлиги яхшиланмоқда, дея хабар бермоқда Reuters агентлиги Сан-Паулудаги Альберт Эйнштейн касалхонаси матбуот хизматига таяниб.
Бироқ 82 ёшли бразилиялик амбулатор даволаниш учун қачон касалхонадан чиқиши мумкинлиги ҳозирча маълум эмас.
"Беморнинг тикланиш жараёни давом этмоқда. У шифокорлар назоратида қолмоқда, ҳушида ва аҳволи яхши", — дейилади хабарда.
Аввалроқ, афсонавий бразилиялик футболчининг танаси кимётерапияга жавоб бермаётгани ва унга инсоннинг сўнгги кунларидаги оғриқни енгиллаштириш учун мўлжалланган паллиатив ёрдам кўрсатилаётгани ҳақида маълумотлар тарқалган эди. Бразилиялик собиқ футболчининг ўзи мухлисларни тинчлантириш учун баёнот берди. Шифокорлар унинг аҳволи барқарорлашганини айтишди.
