Франция ва “Манчестер Юнайтед” марказий ҳимоячиси Рафаэл Варан ярим финал олдидан ўз фикрлари билан ўртоқлашди.
Финал йўлланмаси учун "уч ранглилар" Марокаш терма жамоаси билан куч синашади. Учрашув 14 декабрь куни бўлиб ўтади.
"Биз аллақачон ажойиб муваффақиятларга эришдик ва яхши турнир ўтказдик, аммо бизнинг мақсадимиз чемпион бўлиш. Қатарга айнан шундай топшириқ билан келдик. Биз бу қийин бўлишини тушунамиз, ярим финалга чиқиш ҳам биз учун осон бўлмади, лекин биз ўз кучимизни биламиз ва мақсад сари бор эътиборимизни қаратганмиз”, - дея Рафаэл Вараннинг сўзларини келтиради Footmercato.
Эслатиб ўтамиз, 1/8 финалда французлар Польшани (3:1), чорак финалда эса Англияни (2:1) мағлуб этишганди.
