Fransiya va “Manchester Yunayted” markaziy himoyachisi Rafael Varan yarim final oldidan o‘z fikrlari bilan o‘rtoqlashdi.
Final yo‘llanmasi uchun "uch ranglilar" Marokash terma jamoasi bilan kuch sinashadi. Uchrashuv 14 dekabr kuni bo‘lib o‘tadi.
"Biz allaqachon ajoyib muvaffaqiyatlarga erishdik va yaxshi turnir o‘tkazdik, ammo bizning maqsadimiz chempion bo‘lish. Qatarga aynan shunday topshiriq bilan keldik. Biz bu qiyin bo‘lishini tushunamiz, yarim finalga chiqish ham biz uchun oson bo‘lmadi, lekin biz o‘z kuchimizni bilamiz va maqsad sari bor e’tiborimizni qaratganmiz”, - deya Rafael Varanning so‘zlarini keltiradi Footmercato.
Eslatib o‘tamiz, 1/8 finalda fransuzlar Polshani (3:1), chorak finalda esa Angliyani (2:1) mag‘lub etishgandi.
