Хорватия терма жамоаси бош мураббийи Златко Далич 0:3 ҳисобида мағлубиятга учраган Аргентинага қарши ўйиннинг 50-дақиқасида ярим ҳимоячи Марсело Брозовични нега алмаштирганини тушунтирди.
"Брозович мушаклари бироз безовта қилганини ҳис қилди, шунинг учун биз уни бутун ўйин давомида ўйнатмасликка қарор қилдик. Биз уни финалга чиқишига умид қилиб алмаштирдик" - деди Далич ўйиндан кейин ўтказилган матбуот анжуманида.
Эслатиб ўтамиз, Хорватия терма жамоаси бронза медаллари учун баҳсда майдонга тушади. Далич шогирдлари Франция - Марокаш жуфтлигида мағлуб бўлган жамоа билан учрашади. Бугун тунда Тошкент вақти билан 00:00да жаҳон чемпионатининг иккинчи ярим финали бўлиб ўтади.
