Ҳужумчи Килиан Мбаппе Қатардаги жаҳон чемпионатида ҳимоявий ҳаракатда жуда суст иштирок этаётгани маълум бўлди.

Ҳимоявий ҳаракатларга — тўпни олиб қўйишга интилиш, фол ишлатиш, рақиб зарбасига тўсиқ бўлиш, тўпни жарима майдонидан узоқлаштириш каби ишлар киради. Мбаппе турнирда 477 дақиқа давомида ҳаракат қилиб, юқоридаги ишларни фақат бир мартагина амалга оширди.

Бу эса Мундиалга келиб, энг камида 150 дақиқа ўйнаган футболчилар орасида энг ёмон натижа ҳисобланади.

Шунга қарамай, Килиан ЖЧдаги голлари сони (5) бўйича Лионель Месси билан биргаликда етакчилик қилмоқда. Шунингдек, у "гол+пас" тизими бўйича (7) иккинчи поғонада бормоқда.