Мамлакатимиз иқтисодий салоҳияти янада юксалишида темирйўллар тизими муҳим ўрин тутади. Бугун Ўзбекистон иқтисодиётини темирйўллар тизимисиз асло тасаввур қилиб бўлмайди. Истиқлол йилларида "O'ZBEKISTON TEMIR YO'LLARI" ДАТК оламшумул ютуқларга эришди. Аср мўъжизаси номини олган улкан қурилишлар эса "O'ZBEKISTON TEMIR YO'LLARI" ДАТКнинг салоҳияти нечоғлик юксак эканини исботлади.
Бугун август ойининг биринчи якшанбаси, яъни 5 август. Бу кун Ўзбекистоннинг муҳим саналари қаторида қайд этилмаган. Бироқ, 20 йилдирки юртимизда августнинг илк якшанбаси темирйўлчилар куни сифатида кенг нишонланиб келади. Биз ҳам фурсатдан фойдаланиб "O'ZBEKISTON TEMIR YO'LLARI" ДАТК тизимида фаолият олиб бораётган барча юртдошларимизни касб байрамлари билан самимий муборакбод этамиз. Темир йўллар устида "темир тулпорлар" учиб юраверсин. Хонадонингиздан тинчлик ва қут-барака аримасин. Ҳамиша соғ ва омон бўлинг!
"Локомотив" футбол клуби
